YAĞILAR ƏLİNDƏ QALAN TORPAĞIM

Ey mənim düşmənə qalan torpağım,
Yad izlərə alışmayın amandı.
Yağılar əlində talan torpağım,
Qərarların əmrləri dumandı.

Tarixinə yeni tarix yazacam,
Xarıbülbül bağın gəzib azacam,
Qarabağda öz qəbrimi qazacam,
Demə şair çaşıb, fikri gümandı.

Əsarət altında hıçqıran torpaq,
Gözlə, alaçaqsan xoş xəbər, soraq.
İlahi, topağı necə qoruyaq,
Tarix gedir, dərdsə həmən zamandı.

Azərbaycan cəngavərlər doğacaq,
O torpaqdan düşmənləri qovacaq,
İgidləri yenə at oynadacaq,
Cıdırdüzü həsrət çəkir, yamandı.

13.07.2019.

Müəllif: HƏQİQƏT HƏQİQİ

YAZARLAR.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-500-63-36     E-mail: yazarlaraz@yandex.ru