ATA

Ya körpə, ya hakim övlad, gözündə
Bəşərdə ən böyük varlıqdı, ATA.
Gedib, görünməsə O, Yer üzündə,
Dünyanı kiçildən darlıqdı, ATA.

Övladla heç zaman açmadan üzün,
Pərdəni, izzəti gözlədər, ATA.
Ana şirin dillə istətsə özün,
Sevgini içində gizlədər, ATA.

Nisgil hücum çəksə çətin ki, gülə
Edib sinəsini, dərd yeri, ATA.
Gözündə görünsə qəmdən bir gilə,
Sızladar bəlkə də göyləri, ATA.

İnsana səmadan verilibsə can
Deyilmi, hər kısin de, cismi, ATA?
Sirrdi ki, torpağa qoyulan zaman,
Çəkilir adıyla tək ismi, ATA.

Müəll: MÜBARİZ HÜSEYN (BORÇALI)

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru