ÇƏKIL GET

Sədaqət söyləyən ey gözəl insan,
Məhəbbət könülə, ürəyə bağlı.
Dəyişməz etibar, dəyişsə zaman,
Etibar, etiqad sevgi sınaqlı!

Sevginin həsrəti ciyər dağlayar,
Yarası ağrılı çox dərin olar.
Sızlayan qəlb evi dərddən dağılar,
Amma zəqqu dadı çox şirin olar!

Sevilər əzabın cəminə dözən,
Tanrı əta etməz acizə sevgi.
Sevdin üzülərsən, olmazsan üzən,
İnsanı böyüdər möcüzə sevgi!

Sevməsə bəhanə axtarar adam,
Hər işdə, hər sözdə yanlışlıq görər.
Sevənin üzdürər düşdükcə məqam,
Anlamaz, dərk etməz nə xeyir, nə şər!

Odur ki, özünlə yığışdır apar,
Sevgiyə bənzəyən yalançı donu!
Çəkil get, o zərif sapları qopar,
Yetdisə yabançı eşqinin sonu!

2020.

Müəllif: Təvəkkül Goruslu

=====================================================

ƏLİFBAMIZDAKI HƏR BİR HƏRFƏ AİD İKİ ŞEİR, HƏR RƏQƏMƏ AİD İKİ TAPMACA, AYLAR VƏ FƏSİLLƏR HAQQINDA YENİ ŞEİRLƏRİ AŞAĞIDAKI KEÇİDDƏN İSTİFADƏ ETMƏKLƏ OXUMAQ OLAR:

BÜTÜN HƏRFLƏRƏ, RƏQƏMLƏRƏ AİD YENİ ŞEİRLƏR BURADA

“USTAC.AZ” FƏRDİ İNKİŞAF və YARADICILIQ PORTALI

<<<<XİDMƏTLƏR>>>>

Təqdim edir: Zaur Ustac

USTAC.AZ 

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

30 İYUN 2019 -CU İLƏDƏK MÖVCUD OLAN YAZARLAR.AZ