SƏN

Bizim də dünənədək vüsalımız var idi,
İndi həsrət fəslində üşüyən ruhuma bax,
Sənin ən xoş anların – mənli sabahlar idi,
Mənim məmnuniyyətim- qollarında oyanmaq.

Bir təlatüm oyadır düşüncəmi yerindən,
İtirmişəm başımı , yenə dəliyəm, dəli,
Adın… Adın hey keçir ürək sətirlərindən,
Səni deyir nəbzimin döyüntüsü, əvvəli,

Taleyinin yazısı səni yazıb özgəyə,
Mənimsə könül qapım qıfıllanıb yadlara,
Gözlərimi yumuram, daha görməyim deyə
(Qısqanıram adının yanındakı adlara!)…

Yetim dodaqlarımda səslənir adın sənin,
Nəbzimin döyüntüsü, qəlb harayı “sən” deyir,
Tanış nəvazişini özləyən qadın sənin
“Onun ola bilmədin, axı mənimsən”,- deyir,

Bir tələsik öpüşlə vida yazır dodağın,
Saçlarımın ətrini özünlə apar barı.
Mən darıxsam- külqabın xoş xatirə sorağı,
Sən darıxsan…(Soruşma, tanıyırsan yolları)

Həsrətin hər anında arındım min günahdan,
Sənə tapınan gündən bütün dinlərə yadam,
Sənsizliyin soyuğu başlayır bu sabahdan,
Yatağımda boş yerin buz bağlamış, ay adam!

Müəllif: Aygün Sadiq

YAZARLAR.AZ

====================================================

ƏLİFBAMIZDAKI HƏR BİR HƏRFƏ AİD İKİ ŞEİR, HƏR RƏQƏMƏ AİD İKİ TAPMACA, AYLAR VƏ FƏSİLLƏR HAQQINDA YENİ ŞEİRLƏRİ AŞAĞIDAKI KEÇİDDƏN İSTİFADƏ ETMƏKLƏ OXUMAQ OLAR:

GÜLLÜNÜN   ŞEİRLƏRİ   KİTABI   – BÜTÜN  HƏRFLƏRƏ  AİD  ŞEİRLƏR

“USTAC.AZ” FƏRDİ İNKİŞAF və YARADICILIQ PORTALI

<<<<XİDMƏTLƏR>>>>

Təqdim edir: Zaur Ustac

USTAC.AZ 

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

30 İYUN 2019 -CU İLƏDƏK MÖVCUD OLAN YAZARLAR.AZ